မြေယာဝယ်ယူရန် ဒေသခံပြည်သူများ၏ ဆန္ဒအတိုင်း လုပ်ဆောင်ခြင်းမရှိပါက ဥပဒေနှင့်အညီ ကန့်ကွက်သွားမည်

0

ချင်းပြည်နယ်တောင်ပိုင်း ကန်ပက်လက်မြို့နယ် ကျင်းဒွေးသေဒ စံပေါ်ရိုးမြေယာ ၁၆၉၇ ဧကအား MONE CHOUNG Co.Ltd မှ ဝယ်ယူရန် စီစဉ်မှုအပေါ် ဒေသခံပြည်သူများ၏ သဘောထားဆန္ဒအတိုင်း လုပ်ငန်းဖော်ဆောင်ခြင်းမရှိပါက ဒေသခံပြည်သူလူထု အားလုံးပါဝင်သော ဆန္ဒဖော်ထုတ်ရန်နှင့် အစိုးရအဆင့်ဆင့်သို့ တည်ဆဲဥပဒေနှင့်အညီ ကန့်ကွက်သွားမည်ဖြစ်ကြောင်း သိရ သည်။

အဆိုပါ စံပေါ်ရိုးမြေယာ ၁၆၉၇ ဧကအား Agar Land Co.Ltd မှ ဝယ်ယူရန်စီစဉ်နေသည့်အပေါ် Chinland Natural Resources Watch Group နှင့် Moneland Development Natural Resource Conservation Organization ဦးဆောင်ပြီး ကျင်းဒွေး ကျေးရွာအခြေပြု၊ အနီးအနားရွာများဖြစ်သော ထန်းကုန်းရွာ၊ ဟုတ်ပုံကျင်းရွာ၊ ဖုန်းဒွေးကျင်းရွာ၊ အောက်လှယ်ရွာ နှင့် ရှိနှော့ ကျင်းရွာများမှ အုပ်ချုပ်ရေးမှူးများ၊ အရပ်ဖက်အဖွဲ့အစည်းများနှင့် တက်ကြွလုပ်ရှားနေသော လူငယ်များ မေလ ၂၅ ရက်နေ့တွင် တွေ့ဆုံဆွေးနွေးပွဲပြုလုပ်ကာ ချင်းပြည်နယ်အစိုးရထံ သဘောထား ထုပ်ပြန်ချက် ပေးပို့ခဲ့သည်။

ထိုသို့ ဆွေးနွေးပွဲတွင် ဒေသခံများနှင့် အရပ်ဖက်အဖွဲ့အစည်းများအနေဖြင့် အောက်ဖော်ပြပါ အချက်များအား ဆွေးနွေး သဘောတူ ခဲ့ကြသည်။ ယင်းစီမံကိန်းနှင့်ပက်သက်ပြီး ဒေသခံ တိုင်းရင်းသား ပြည်သူများ၏ လွတ်လပ်သော သဘောဆန္ဒဖြင့် ထုတ်ဖော်ပြောကြားသည့် သဘောတူညီချက် (Free, Prior and Informed Consent – FPIC) လုပ်ထုံးလုပ်နည်းများ မဖြစ်မနေ လေးစားလိုက်နာရန် နှင့် Environmental Impact Assessment, Social Impact Assessment, Health Impact Assessment များ ကောက်ခံရာတွင် ဒေသခံများနှင့် ဒေသခံများရွှေးချယ်သော ပညာရှင်များ မဖြစ်မနေပါဝင်ရန် သဘောတူခဲ့ကြသည်။

၎င်းအပြင် ဒေသခံပြည်သူလူထုများထံသို့ စီမံကိန်းကြောင့် ဖြစ်ပေါ်လာနိုင်မည့်ကောင်းကျိုး ဆိုးပြစ် အကျိုးဆက်များအား ဒေသခံ ပြည်များ၏နားလည်သဘောပေါက်သော ဘာသာစကားနှင့် လမ်းကြောင်းများဖြင့်ချပြပေရန်။ ဆိုးကျိုးများအတွက် ကြိုတင် ကာကွယ်မည့် အစီစဉ်များရေးဆွဲချပြရန်နှင့် ဒေသခံပြည်သူများ၏ ဓလေ့ထုံးတမ်းရိုးရာအမွေအနစ်များနှင့် သဘာဝရေမြေ တောတောင်များအား ထိခိုက်ပျက်စီးစေနိင်သည့် စီးပွာရေးလုပ်ငန်းများလုံးဝမပြုလုပ်ရန် စသည့်အချက်အလက် များလည်း သဘောတူခဲ့ကြကြောင်း သိရသည်။

အဆိုပါ ဆွေးနွေးပွဲကို တက်ရောက်ပါဝင်သူများမှာ ချင်းတောင်ဒေသ သဘာဝသယယံဇာတ စောင့်ကြည့်ရေးအဖွဲ့ Coordinator ဦး လျန် ခန့်တွောင်၊ ၀န်ကြီး၊ စိုက်ပျိုးမွေးမြူရေး သစ်တောနှင့် သတ္တု ၀န်ကြီးဌာန ၀န်ကြီး၊ လုံခြုံရေးနှင့် နယ်စပ်ရေးရာ ၀န်ကြီးဌာန ၀န်ကြီး၊ စည်ပင်၊ လျှပ်စစ်၊ စက်မှုနှင့် ခရီးသွားလာရေး ၀န်ကြီးဌာန ၀န်ကြီး၊ လမ်းပန်းဆက်သွယ်ရေး ၀န်ကြီးဌာန ၀န်ကြီး၊ စီမံကိန်း နှင့် ဘဏ္ဍာရေး ၀န်ကြီးဌာန ၀န်ကြီး၊ လူမှုရေး ၀န်ကြီးဌာန အတွင်းရေးမှူး၊ ချင်းပြည်နယ်အစိုးရအဖွဲ့ ညွန်ကြားရေးမှူး၊ ပြည်နယ် သစ်တောနှင့် သဘာဝပတ်ဝန်းကျင်ထိန်းသိန်းရေးဦးစီးဌာန မြို့နယ်အထွေထွေအုပ်ချုပ်ရေးမှူး၊ ကန်ပက်လက်မြို့ မြို့နယ်မှူး၊ ခရိုင်သစ်တောနှင့် သဘာဝပတ်ဝန်းကျင်ထိန်းသိန်းရေးဦးစီးဌာန မြို့နယ်မှူး၊ မြေစာရင်းဦးစီးဌာန Agar Land ကုမ္ပဏီ ဥက္ကဋ္ဌ ဦးလွင်မိုး ကျင်းဒွေးကျေးရွာအုပ်စု အုပ်ချုပ်ရေးမှူးများ တက်ရောက်ခဲ့ပြီး အဆိုပါ အချက်အလက်များကို အားလုံး လက်ခံ သဘောတူခဲ့ကြသည်။

Share.

About Author

Leave A Reply

*

code