ချင်းပြည်နယ်တွင် သတင်းရယူမှုနှင့် သတင်းရယူခွင့်ဆိုင်ရာ တွေ့ဆုံဆွေးနွေးပွဲ ကျင်းပမည်

0

ဖီးဒီးဖောင်ဒေးရှင်းနှင့် ချင်းလဲန်ပို့စ်က ကြီးမှူးကျင်းပပြီး ချင်းပြည်နယ်အတွင်း သတင်းရယူမှုနှင့် ရယူခွင့်ဆိုင်ရာ
တွေ့ဆုံဆွေးနွေးပွဲကို ၂၀၁၇ ခုနှစ် ဇူလိုင်လ (၈)ရက်နေ့ ဟားခါးမြို့တွင် ကျင်းပပြုလုပ် မည်ဖြစ်သည်။

“ကျွန်တော်တို့ ဒေသခံ မီဒီယာတွေနဲ့ ပင်မမီဒီယာဆိုပြီး ခွဲခြားဆက်ဆံမှုတွေရှိနေတယ်။ အဲဒါကို ဒေသခံ မီဒီယာတွေကလည်း ဘယ်လိုပြင်ဆင်မလဲ၊ အစိုးရဘက်ကလည်း ဘယ်လိုဖြစ်စေချင်သလဲ ဆိုတာ ဆွေးနွေး
ကြဖို့ လိုတယ်” ဟု ဆွေးနွေးပွဲစီစဉ်သူ တာဝန်ခံ ဆလိုင်း ဘွဲအုပ်ထန်က ခိုနုမ်းသုန်သတင်းဌာနကို ပြောပြ ခဲ့သည်။ ချင်းပြည်နယ်တွင် ဒေသခံ မီဒီယာအဖွဲ့အစည်းက လွတ်လွတ်လပ်လပ် သတင်းရယူခွင့် မရှိသေး ကြောင့် သတင်းလွတ်လပ်စွာ ရယူနိုင်ရန် နည်းလမ်းရှာသည့်အနေဖြင့် အခုလိုဆွေးနွေးပွဲ ကျင်းပရန် စီစဉ်နေခြင်း ဖြစ်ကြောင်း သိရသည်။

“ဥပမာပြောရရင် ပြည်နယ်အစိုးရက လွှတ်တော်အစည်းအဝေးလုပ်တဲ့အခါ ဓါတ်ပုံဘဲ ရိုက်ခွင့်ပြုတယ်။ အသံဖမ်းတာ၊ ဗီဒီယိုရိုက်ပြီး သတင်းယူတာတွေ လက်မခံဘူး။ တခြားပြည်နယ်တွေမှာ လွတ်လွတ် သတင်းယူ ခွင့်ပေးတယ်။ အဲဒါကို ဘယ်လိုဖြေရှင်းမလဲ ဆိုတဲ့ အဆိုဆွေးနွေးဖို့ စီစဉ်နေတာဖြစ်တယ်” ဟု ဆလိုင်း က ဆိုသည်။

ပြည်နယ်အစိုးရ တာဝန်ရှိသူများသည် မိမိတို့တာဝန်အသီးသီး ထမ်းဆောင်နေကြသည့်အတွက် ဒေသခံ မီဒီယာများက တွေ့ဆုံရန် အခက်အခဲဖြစ်နေကြသည်။ ဤကဲ့သို့ အခက်အခဲဖြစ်နေသည့် အခြေအနေကို မည်ကဲ့သို့ ဖြေရှင်းပြီး ပြည်နယ်အတွင်း အစိုးရက လုပ်ငန်းဆောင်ရွက်နေသည့် အခြေအနေကို
ပြည်သူ လူထု က မည်ကဲ့သို့ နားလည်နိုင်မည်ဆိုသည့်အချက်ကို ဆွေးနွေးရန် ယခုကဲ့သို့ ကျင်းပရန်စီစဉ် နေခြင်းဖြစ်ကြောင်း သိရသည်။

အစိုးရ တာဝန်ရှိသူများမှ ပြည်နယ်အတွင်း လုပ်ငန်းဆောင်ရွက်နေသည့်အနေအထားကို ပြည်သူလူထုထံ သတင်းစာရှင်းလင်းပွဲ သို့တည်းမဟုတ် ဒေသခံ မီဒီယာများမှ တဆင့် လုပ်ဆောင်ပေးခြင်းမရှိသည့်အတွက်
အစိုးရအနေဖြင့် ဒေသဆိုင်ရာ ဖွံ့ဖြိုးရေးလုပ်ငန်း ဆောင်ရွက်သည့်အခါ အခက်အခဲ တခုဖြစ်နေကြောင်း သိရသည်။

ဇူလိုင်လ (၈) ရက်နေ့ ဟားခါး ခရစ်ယာန် အဖွဲ့ ခန်းမတွင်ကျင်းပမည့် သတင်းရယူမှုနှင့် သတင်းရယူခွင့် ဆိုင်ရာ တွေ့ဆုံဆွေးနွေးပွဲတွင် ပြည်နယ် စည်ပင်ဝန်ကြီး၊ လူမှုရေးဝန်ကြီးနှင့် သတင်းဌာနဆိုင်ရာ လူကြီးများ
ဖိတ်ကြားထားကြောင်း သိရသည်။

Share.

About Author

Leave A Reply

*

code