ချင်းလူမှုရေးအဖွဲ့များအတွက် အဆိုပြုလွှာရေးနည်း သင်တန်းကျင်းပပြုလုပ်

0

ချင်းလူမှုရေးအဖွဲ့အစည်း အသီးသီးမှ လုပ်ငန်းအဆိုပြုလွှာ စနစ်တကျ ရေးသား တင်ပြနိုင်ရေး အတွက် ၂၀၁၇ ခုနှစ် ဇွန်လ (၁၃-၁၆) ရက်နေ့အထိ GRET က သင်တန်း ကျင်းပပြု လုပ်ပေးခဲ့ သည်။
“ကျွန်တော်တို့ (Group Research Exchange Technology- GRET) ကနေ မြို့နယ် အဆင့် မှာရှိကြတဲ့ ချင်းလူမှုရေးအဖွဲ့အစည်း ( Chin Social Organization – CSO) တွေက လုပ်ငန်းအဆိုပြုလွှာ တင်သွင်း တဲ့ အခါ လေ့တွေ့ကျကျဖြစ်စေဖို့ အခုလို သင်တန်းကျင်း ပပေးရခြင်းဖြစ်တယ်” ဟု ပူးတဲလ်လျန်း၊ ကရက် စီမံကိန်း ကိုသြဒီနိတ်တာ က ခိုနုမ်းသုန်သတင်း ဌာနကို ပြောပြခဲ့သည်။
(၄) ရက်ကြာ ပြုလုပ်ခဲ့သည့် သင်တန်း၌ ချင်းပြည်နယ် မြို့နယ်အဆင့်တွင် စားဝတ်နေ ရေးဖူလုံနိုင်ရေးအတွက် ကရက်အဖွဲ့က ထောက်ပံ့ပြီး လုပ်ငန်းဆောင်ရွက်မှု ဆောင်ရွက် လျက်ရှိရာ မြို့နယ် CSO များမှ လေ့တွေ့ကျ သည့် လုပ်ငန်း အဆိုပြုလွှာများ ရေးသားနိုင်ရန် ရည်ရွယ်ခြင်းဖြစ်ကြောင်း သိရသည်။
ကရက်အဖွဲ့က ချင်းပြည်နယ်မြောက်ပိုင်းတွင်ရှိသည့် ဟားခါး၊ ထန်တလန်၊ ဖလမ်း၊ တီးတိန်နှင့် တွန်းဇံမြို့နယ် တွင်ရှိသည့် မြို့နယ်အဆင့် CSO များအနေဖြင့် သက်ဆိုင်ရာဒေသအတွင်း စားဝတ်နေရေးဖူလုံရေး လုပ်ငန်း အတွက် ကျပ်သိန်း (၅၀) မှ ကျပ်သိန်း (၂၅) အထိ ထောက်ပံ့မှု ပေးလျက်ရှိကြောင်း သိရသည်။
ယခုသင်တန်း၌ ရန်ကုန်မြို့တွင် အခြေစိုက်သည့် လုပ်ငန်းအဆိုပြုလွှာရေးနည်း သင်တန်းဆရာ၊ ဆရာမများ ဖိတ်ခေါ်ပြီး သင်တန်းပို့ချခဲ့ပြီး သင်တန်းတွင် တီးတိန်နှင့် ဟားခါးမြို့နယ်မှ CSO အဖွဲ့အစည်း (၈) ခုနှင့် ဖလမ်းမြို့ နယ်မှ (၄)ခု ကိုယ်စားလှယ်များ တက်ရောက်နိုင်ကြောင်း သိရသည်။
“ကျမတို့ အရင်တုံးမှာ လုပ်ငန်းအကောင်အထည် ဖော်ဆောင်ရွက်နိုင်ဖို့ အဆိုပြုလွှာ ရေးပုံရေးနည်း နားမလည်ကြပါဘူး၊ လေ့တွေ့ကျမလား၊ မကျဘူးလားဆိုတာလဲ မသိဘူး။ အခုဒီသင်တန်းတက်ပြီးမှ အဆိုပြု လွှာမရေးခင် ဘယ်လိုပြင်ဆင်ရမလဲ၊ လက်တွေ့ကျသလား မကျဘူးလား ဆိုတာ ကောင်းကောင်း နားလည် လာပြီ၊ လာမည့် လုပ်ငန်းစီမံကိန်းတွေမှာ အကြိုးပြုလာမယ်လို့ ယုံကြည်တယ်” ဟု တီးတိန်မြို့နယ် အမျိုးသမီး အဖွဲ့အစည်း ဥက္ကဌ ဒေါ် ဗောင်ဆောန်ဒိမ် ဆိုသည်။
နောက်နောင်တွင် ချင်းပြည်နယ်တခုလုံး လွှန်းခြုံနိုင်သည့် ကိုယ်စားလှယ်များဖြင့် လုပ်ငန်းအဆိုပြုလွှာ သင်တန်းနှင့် လုပ်ငန်းဆောင်ရွက်မှု ပြုလုပ်စေလိုကြောင်း ဒေါ်ဗောင်ဆောန်ဒိမ်က အကြံပြုထားပါသည်။
ကရက်အဖွဲ့သည် ပြင်သစ်နိုင်ငံတွင် အခြေစိုက်သည့် INGO အဖွဲ့တစ်ခုဖြစ်ပြီး ၁၉၉၅ ခုနှစ်မှစ၍ ချင်းပြည်နယ် ဟားခါးမြို့တွင် ရုံးဖွင့်လှစ်ကာ အသေးစား ငွေချေးစနစ်၊ စိုက်ပျုးရေးနှင့် အခြားဖွံ့ဖြိုးရေးလုပ်ငန်းများ ဆောင်ရွက် သည့် အဖွဲ့ဖြစ်သည်။

 

Share.

About Author

Leave A Reply

*

code