ကိုယ်ဝန်ဆောင် အမျိုးသမီးများနှင့် (၂) နှစ်အောက် ကလေးသူငယ်များ ထောက်ပံ့မည်

0

ချင်းပြည်နယ်အတွင်းရှိ ကိုယ်ဝန်ဆောင်အမျိုးသမီးများနှင့် (၂) နှစ်အောက် ကလေးသူငယ် များအား ယခုဇွန်လမှစ၍ ငွေကြေးကူညီထောက်ပံ့တော့မည်ဖြစ်သည်။

 
အသက်မွေးဝမ်းကျောင်းနှင့် စားနပ်ရိက္ခာ ဖူလုံရေးရန်ပုံငွေအဖွဲ့က ၂၀၁၇ ခုနှစ် ဇွန် လမှ ၂၀၁၉ ခုနှစ် မေလ အထိ (၂)နှစ်တာလအတွက် အမေရိကန်ဒေါ်လာ (၉) သန်း ထောက်ပံ့ မှုဖြင့် ချင်းပြည်နယ်၊ ရခိုင်ပြည်နယ်နှင့် နာဂကိုယ်ပိုင် အုပ်ချုပ်ခွင့် ရဒေသရှိ ကိုယ်ဝန်ဆောင် အမျိုးသမီးများနှင့် ၎င်းတို့မွေးဖွားလာသော အသက် (၂) အောက် ကလေးသူငယ်များကို ငွေကြေး ထောက်ပံ့မည်ဟု ချင်းပြည်နယ် လူမှုဝန်ကြီးဌာနမှ သိရသည်။

 
“ဒီထောက်ပံ့မှု အကျိုးခံစားခွင့်ရတဲ့ သူများကို ဇွန်လ (၁) ရက်နေ့ကနေ မှတ်ပုံ တင်ခြင်း၊ စာရင်းကောက်ယူခြင်း များ ပြုလုပ်တဲ့အခါ သက်ဆိုင်ရာ အထွေထွေအုပ်ချုပ်ရေးရုံး တာဝန်ရှိသူတွေ ပါဝင်မှုဟာ အင်မတန် အရေးကြီး တယ်” ဟု ပြည်နယ်လူမှုရေးဝန်ကြီး ဦးပေါင်လွန်းမင်ထန် က ဇွန်လ (၉) ရက်နေ့တွင် ပြည်နယ်အဆင့် ကျင်းပသည့် ထောက်ပံ့ရေး အစီအစဉ် အစည်းအဝေး တွင်ပြောကြားခဲ့သည်။
ကိုယ်ဝန်ဆောင် အမျိုးသမီးများနှင့် ၎င်းတို့က မွေးဖွားသည့် (၂) နှစ်အောက် ကလေးသူငယ် များကို တစ်လအတွက် လူတဦးလျင် ကျပ်ငွေ (၁၅၀၀၀) ထောက်ပံ့မည်ဖြစ်သည်။ ၎င်းငွေကြေး ပမာဏကို ပြည်နယ်အဆင့် တာဝန်ရှိသူများမှ သက်ဆိုင်ရာ မြို့နယ် အထွေထွေအုပ်ချုပ်ရေးရုံးသို့ (၂)လ တစ်ကြိမ် ကျပ်ငွေ (၃၀၀၀၀) ပုံမှန်ထုတ်ပေးမည်ဖြစ်ကြောင်း သိရသည်။

 
ထိုငွေကြေး ပမာဏကို ပြည်နယ်အတွင်းရှိ သက်ဆိုင်ရာမြို့နယ် အထွေထွေအုပ်ချုပ်ရေးရုံးမှ အကျိုးခံခွင့်ရှိ သူ ကိုယ်ဝန်ဆောင်အမျိုးသမီးနှင့် ကလေးသူငယ်များကို ကူညီထောက်ပံ့ဖြစ် သည်။

 
” အခုလို ကိုယ်ဝန်ဆောင် အမျိုးသမီးနဲ့ကလေးသူငယ်များ ထောက်ပံ့ရေးအစီအစဉ်ဟာ ချင်းပြည်နယ်မှာ ပထမအကြိမ်ဘဲဖြစ်ပါတယ်၊ အခုအစီအစဉ်ဟာ ချင်းပြည်နယ် တစ်ပြည်လုံး လွှမ်းခြုံနိုင်အောင် လုပ်ဆောင်ဖို့ စီစဉ်နေပါတယ်” ဟု ခေတ္တညွှန်ကြားရေး မှူးချုပ်၊ လူမှုဝန်ထမ်း ဦးစီးဌာနမှ ဒေါ်စန်းစန်းအေးက ဆိုပါသည်။

 
ချင်းပြည်နယ်တွင် ကလေးသူငယ်များ အာဟာရဓါတ်ချိူ့တဲ့မှု လျော့ကျစေရန်နှင့် ကျမ်းမာရေး ပညာပေးမှု ပိုမို လုပ်ဆောင်ရန် ယခုကဲ့သို့ လုပ်ငန်းအကောင်အထည်ဖေါ်ခြင်းဖြစ်ကြောင်း သိရသည်။

 
ယင်းထောက်ပံ့မှု အကျိုးခံစားခွင့်ရှိသူများအား စာရင်းသွင်း မှတ်ပုံတင်ခြင်းကို ၂၀၁၇ ခုနှစ် ဇွန်လ (၁) ရက်နေ့ မှ စတင်ဆောင်ရွက်နေပြီဖြစ်ကြောင်း၊ ပထမဆုံး စာရင်းသွင်းပြီး ပုံစံများကို ဇွန်လ ကုန် တွင် သက်ဆိုရာ မြို့နယ် အထွေထွေအုပ်ချုပ်ရေးဦးစီးဌာန အစည်းအဝေးတွင် လက်ခံ ရရှိနိုင်ရန် စီစဉ်ထား ကြောင်း သိရသည်။

 

Share.

About Author

Leave A Reply

*

code