ချင်းပြည်နယ်တွင် ပြည်နယ် အစိုးရအစီအစဉ်ဖြင့် သင်္ကြန်ပွဲတော် ကျင်းပရန် စီစဉ်ခြင်း ရပ်တန့်ရန် တိုက်တွန်း

0

မြန်မာ့ရိုးရာ အတာသင်္ကြန်ပွဲတော်ကို အရင်စစ်အစိုးရ ခေတ်အဆက်ဆက်များကဲ့သို့ ချင်းပြည်နယ်တွင် ၀န်ကြီးချုပ်ဦး ဆောင်မှုဖြင့် ပြည်နယ်အစိုးရမှ ကျင်းပပြုလုပ်ရန် စီစဉ်သည့်အပေါ်စိုးရိမ်ဖွယ်ရာများရှိနေပြီး ရပ်တန့်ရန် ချင်းအမျိုးသားဒီမိုကရက်တစ်ပါတီ အတွင်းရေးမှူး ဆလိုင်းကျဲအိုဘိခ်ထောင်မှ ချင်းပြည်နယ် ၀န်ကြီးချူပ်ထံ အိပ်ဖွင့်ပေးစာပေးပို့လိုက်သည်။

သင်္ကြန်သည် အစဉ်အလာအရ ဗုဒ္ဓဘာသာ/ဗမာလူမျိုးများ၏ နေ့ထူးနေ့မြတ်ဖြစ်သည့် အားလျော်စွာ လူမျိုးနှင့် ဘာသာခြားများဖြစ်သော ခရစ်ယာန်ဘာသာဝင် ချင်းလူမျိုး နိုင်ငံ့ဝန်ထမ်းများနှင့် ကျောင်းသူ/သားများအား ပြည်နယ်အစိုးရက နိုင်ငံတော်ယန္တရား (State Mechanism) အသုံးပြု၍ ကပြဖျော်ဖြေခိုင်းစေခြင်းသည် ဘာသာနှင့်လူမျိုး မတူကွဲပြားမှုကို လေးစားတန်ဖိုးထားခြင်း မပြုရာရောက်သည်ဟု အိပ်ဖွင့်ပေးစာတွင် ဖော်ပြ ထားသည်။

ထို့အပြင် တည်ဆဲဥပဒေတွင် သင်င်္ကြန်ပွဲတော်ကို နိုင်ငံတော်အစီအစဉ်ဖြင့် အစိုးရက ကျင်းပပြုလုပ်ရန် ပြဋ္ဌာန်းထားခြင်းမရှိ သည့်အတွက် အစိုးရရုံးချိန်ပြင်ပနှင့် နိုင်ငံတော် ရုံးပိတ်ရက်များတွင် ဤကဲ့သို့ နိုင်ငံ့ဝန်ထမ်းများနှင့် ကျောင်းသူ/သား များကို ကပြဖျော်ဖြေ ခိုင်စေခြင်းသည် သင့်တော်မှုမရှိသည့်အပြင် အတင်းအဓမ္မ ခိုင်းစေခြင်းဆိုရာ ILO စာချုပ် (Convention) အမှတ် ၂၉ နှင့် ကိုက်ညီမှုမရှိဟု ယူဆကြောင်း ပြည်နယ်အစိုးရအနေဖြင့် နိုင်ငံတော်ဘဏ္ဍာငွေကို သင်္ကြန်ပွဲကျင်းပဖို့ သုံးစွဲလျက်ရှိသည့်အပြင် နိုင်ငံ့ဝန်ထမ်းများ၊ လုပ်ငန်းရှင်များနှင့် ပုဂ္ဂိုလ်တစ်ချို့ထံ ယခုလို ရန်ပုံငွေ ကောက်ခံခြင်းသည် ဒီမိုကရေစီအစိုးရအနေဖြင့် လုံးဝ မလုပ်သင့်မလုပ်အပ်သော အရာဖြစ်ပါသည်ဟု ဆက်လက်ဖော်ပြထားသည်။

အကယ်၍ ရပ်တန့်ခြင်းမပြုပဲ ဆက်လက် ကျင်းပပြုလုပ်မည်ဆိုပါက ချင်းပြည်နယ်တွင် လူများစုဖြစ်သော ချင်းလူမျိုး/ခရစ်ယာန် ပြည်သူများ၏ နေ့ထူးနေ့မြတ် ခရစ်စမတ်ပွဲတော် (Christmas)ကိုလည်း အစိုးရ အစီအစဉ်ဖြင့် တစ်ပြည်နယ်လုံးတွင် ကျင်းပပြုလုပ်ပေး ရန် လိုအပ်သည်ဟု ကျဲအိုဘိခ်ထောင်ကပြောသည်။

Share.

About Author

Leave A Reply

*

code