ရိခေါဒါရ်မြို့တွင် ကားကြီးဝင်း တည်ဆောက်မည်

0

အိန္ဒိယ-မြန်မာအမှတ်(၂) နယ်စပ်ကုန်သွယ်ရေးစခန်းတည်ရှိရာ ချင်းပြည်နယ်၊ ရိခေါဒါရ်မြို့တွင် ကားကြီးဝင်းတည်ဆောက်နိုင်ရေး အတွက် မြို့စီမံခန့်ခွဲရေးကော်မတီ၊ စည်ပင်သာယာရေး ကော်မတီနှင့် ရပ်ကွက်အုပ်ချုပ်ရေးမှူးများ ပူးပေါင်းပြီး စီစဉ်ဆောင်ရွက် လျက်ရှိကြသည်ဟုသိရသည်။

အဆိုပါကားကြီးဝင်းကို တီတိန်းမြို့ဘက်မှ ရိခေါဒါရ်မြို့အ၀င်တွင် ထားရှိမည်ဖြစ်ပြီး မြေနေရာအတွက် ဦးမွဲသဲ ( Mawitea Fanai)မှ မြေကွက် ခန့်မှန်း ၂၀၀×၁၀၀ ပေခန့်အား လှူဒါန်းသည်ဟု ရိခေါဒါရ် ပြန်ဆက်ရုံး အွန်လိုင်းစာမျက်နှာ တွင်ဖော်ပြထားသည်။

နိုဝင်ဘာလ ၂၁ ရက်နေ့ကစပြီး စည်ပင်သာယာရေးကော်မတီအဖွဲ့ဝင်များ၏ ဦးဆောင်မှုဖြင့် ကားကြီးဝင်း နေရာ အတွက် မြေနေရာခုတ်ထွင်ရှင်းလင်းခြင်း၊ မြေညှိခြင်း များဆောက်ရွက်ခဲ့ကြ သည်ဟုသိရသည်။

ရိခေါဒါရ်မြို့သည် အိန္ဒိယ-မြန်မာကုန်သွယ်ရေးတွင် အဓိကအရေးပါသည့် နယ်စပ်ကုန်သွယ်ရေးစခန်း အခြေစိုက်ရာမြို့ဖြစ်သော် လည်း ယနေ့ချိန်ထိ ကားကြီးဝင်းသီးသန့်မရှိသည့် အတွက် ခရီးသည်တင် နှင့် ကုန်တင်ကားများသည် မြို့တွင်း၌ဂိတ်ထိုးနေ ရသောကြောင့် မြို့တွင်းကားဝင်ထွက်ရှုပ်ထွေး မှုပြသနာ ကြုံတွေ့ နေကြရသလို ကုန်တင်ကုန်ချလုပ်ငန်းပိုင်းတွင်လည်း အခက်အခဲများနှင့် ရင်ဆိုင်နေ ခဲ့ကြခြင်းဖြစ်သည်။

Share.

About Author

Leave A Reply

*