ဆမီး-ကန်ပက်လက် ကားလမ်းဖောက်လုပ်ရန် ဆောင်ရွက်ပေးနိုင်ခြင်းမရှိ

0

ချင်းပြည်နယ်တောင်ပိုင်း ပလက်ဝမြို့နယ် ဆမီးနှင့် ကန်ပက်လက်မြို့အကြား တိုက်ရိုက်ဆက်သွယ်သွားလာ နိုင်မည့် ကားလမ်းဖောက်လုပ်ရန် လတ်တလောတွင် ဆောင်ရွက်ပေးနိုင်းခြင်းမရှိကြောင်း ပြည်ထောင်စုဝန်ကြီး ဒေါက်တာအောက်သူကပြောသည်။

ယင်းကိစ္စနှင့်ပတ်သက်ပြီး စက်တင်ဘာလ ၂၂ ရက်နေ့ကကျင်းပသော အမျိူးသားလွှတ်တော်အစည်းအဝေး တွင် ချင်းပြည်နယ် မဲဆန္ဒနယ် အမှတ် (၁၂)မှ ဦးမျိုးထပ်(ခ) ဆလိုင်းမျိုးထိုက်က ”ချင်းပြည်နယ် ပလက်ဝမြို့ နယ် ဆမီးမြို့နှင့် ကန်ပက်လက်မြို့နယ်ကြား ရှိ ဆမီး-ကန်ပက်လက် တိုက်ရိုက် ကားလမ်းဖောက်လုပ်ပေးရန် အစီ အစဉ်ရှိ/ မရှိ” မေးခွန်းနှင့်စပ်လျဉ်း၍ ပြည်ထောင်စုဝန်ကြီး ဒေါက်တာ အောင်သူက ယခုကဲ့သို့ဖြေကြားခဲ့ ခြင်းဖြစ်သည်။

ချင်းပြည်နယ် ပလက်ဝ မြို့နယ် ဆမီးမြို့နှင့် ကန်ပက်လက် မြို့အကြား ဆမီး-ကန်ပက်လက် တိုက်ရိုက်ကား လမ်း ဖောက်လုပ်ပေး ရန်ကိစ္စနှင့် ပတ်သက်၍ ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ၂ဝ၁၆-၂ဝ၁၇ ဘဏ္ဍာရေးနှစ်တွင် ပါဝင်ခြင်းမရှိသဖြင့် လတ်တလောတွင် ဆောင်ရွက်ပေးနိုင်ခြင်း မရှိကြောင်း၊ နှစ်အလိုက် ပြည်နယ်နှင့် တိုင်းဒေသကြီးများ၏ ဦးစားပေး လျာထားတင်ပြမှုအပေါ်မူတည်၍ လျာထားတင်ပြပေး သွားမည် ဖြစ်ကြောင်း ပြည်ထောင်စုဝန်ကြီးက ပြန်လည်ဖြေကြားခဲ့သည်။

Share.

About Author

Leave A Reply

*