ချင်းပြည်နယ်အတွင်း ဟိုတယ်တည်ဆောက်မည့် လုပ်ငန်းရှင်များအား ပဏာမရွေးချယ်ပြီးစီး

0

ချင်းပြည်နယ်အတွင်းရှိ မြို့ ၆ မြို့တွင် ဟိုတယ် ၁၁ လုံးတည်ဆောက်မည့် လုပ်ငန်းရှင် ၁၁ ဦးကို ပြည်နယ် အစိုးရ အဖွဲ့က ပဏာမရွေး ချယ်ပြီးဖြစ်ကြောင်းသိရသည်။

ချင်းပြည်နယ်အစိုးရအဖွဲ့ ၀န်ကြီးချုပ်၏ ဦးဆောင်လမ်းညွန်မှု၊ ပြည်နယ်စည်ပင်သာယာရေး၊ လျှပ်စစ်နှင့် စက်မှုလက်မှုဝန်ကြီး၏ ကြီးကြပ်မှုဖြင့် ချင်းပြည်နယ်အတွင်းရှိ မြို့ ၆ မြို့ (ဟားခါး၊ ဖလမ်း၊ တီးတိန်၊ ခိုင်ကမ်း၊ ပလက်ဝနှင့် မတူပီ) တိုတွင် ဟိုတယ် ၁၀ လုံးတည်ဆာက်ရန် အတွက် ဟိုတယ်လုပ်ငန်းဆောင်ရွက်လိုသူ တိုင်းရင်းသားလုပ်ငန်းရှင်များအား စိတ်ဝင်စားကြောင်းအဆိုပြုလွှာ (Expression of Interest) တင်သွင်း ရန်ဖိတ်ခေါ်ခဲ့ရာ လုပ်ငန်းရှင်ပေါင်း ၂၂ ဦးမှ ဟိုတယ် အလုံးရေ ၃၅ လုံး အဆိုပြု တင်သွင်းခဲ့ကြ သည်ဟုသိရသည်။

ယင်းအဆိုပြုလွှာများအား ချင်းပြည်နယ်အစိုးရအဖွဲ့၏ အစည်းအဝေး (၂၇/၂၀၁၆)နှင့် (၂၉ /၂၀၁၆)တို့တွင် အသေးစိပ်စိစစ်သုံးသပ်ပြီး ဟိုတယ်အလုံးရေ ၁၁ ခုအတွက် လုပ်ငန်းရှင် ၁၁ ဦးအား ဆောက်လုပ်ခွင့်ပြုရန် ပဏာမစိစစ်ရွေးချယ်ခဲ့သည်ဟု ချင်းပြည်နယ်အစိုးရ အဖွဲ့၏ တရားဝင် Facebook စာမျက်နှာ တွင်ဖော်ပြထား သည်။

အဆိုပါ လုပ်ငန်းရှင် ၁၁ ဦး တွင် ဒေသခံ လုပ်ငန်းရှင် ၇ ဦးနှင့် ပြည်မမှ ၄ ဦး ပါဝင်သည်ဟုသိရသည်။

ပဏာမရွေးချယ်ခံရသော လုပ်ငန်းရှင်များမှာ ဟားခါးတွင် KL Aamazing၊ Chin Solomon၊ ချမ်းသာရွှေညီ၊ ဖလမ်းတွင် Adventure Myanmar၊ Falam Cheery၊ တီးတိန်တွင် ရွှေစင်နန်းတော်၊ ယူနစ်အာရှ၊ ခိုင်ကမ်းတွင် တောင်ဇလပ်၊ ဒေါက်တာကမ်ကျင်ဒါလ်း၊ ပလက်ဝတွင် Sweet ဟိုတယ်နှင့် ပတူပီတွင် ရွှေပြည်တံခွန်တို့ဖြစ် သည်ဟု သိရသည်။

Share.

About Author

Leave A Reply

*